Фуқароликни тасдиқловчи ҳужжат эҳтиёт қилиб сақланиши шарт
Жорий йилнинг 10 ойи давомида биргина Самарқанд шаҳар буйича Ички ишлар органларининг фаолиятини мувофиқлаштириш бошқармаси 8-сон Ички ишлар бўлими, ички миграция гуруҳига 200 нафардан зиёд фуқаролардан биометрик, хорижга чиқиш паспортлари ва ID-карталари эҳтиёт қилиб сақланмаганлиги оқибатида йўқотганлиги юзасидан мурожаатлар келиб тушган.
Мурожаатларнинг барчаси тегишли тартибда яъни, қонун доирасида ўрганилиб, фуқароларга янги хужжат олиш тартиби ҳақида маълумот берилган.
Тегишли ҳуқуқий ҳужжатларга кўра, агар фуқаро ўзига тегишли бўлган фуқаролик паспортини, ID-картасини, хорижга чиқиш биометрик паспортини қасддан яроқсизлантириши ёки уни эҳтиёт қилиб сақламаганлиги оқибатида йўқотиб қўйганда қонунчилигимизга асосан жавобгарлик белгиланганлиги таъкидланди.
Асосийси Ўзбекистон Республикаси маъмурий жавобгарлик тўғрисидаги кодексининг 223-моддаси биринчи қисмига кўра паспорт тизими қоидаларини бузиш, базавий ҳисоблаш миқдорининг иккидан бир қисми 187 500 сўмдан уч бараваригача 1 125 00 сўм миқдорида жарима солишга сабаб бўлиши, агарда фуқаро жаримани 15 кун ичида тўласа 50 фоиз чегирмаси борлиги тушунтириб ўтилди. Ушбу модданинг биринчи қисмида назарда тутилган айни бир ҳуқубузарлик маъмурий жазо чораси қўлланилганидан кейин бир йил давомида такрор содир этилган бўлса, базавий ҳисоблаш миқдорининг беш баравари яъни, 1 875 00 сўм миқдорида жарима солишга сабаб бўлиши кўрсатиб ўтилди.
Юқорида айтиб ўтилган мурожаат қилган фуқароларнинг ҳужжатлари тайёрланиб янги паспорт олиш учун давлат хизматлари марказига, шаҳар миграция ва фуқароликни расмийлаштириш бўлимига мурожаат килиши, у ерда ID-карта бир иш кунида, хорижга чиқиш биометрик паспорти 10 иш кунида тайёр бўлиши бўйича маълумотлар тайёрланиб, дастлабки ҳужжатлар расмийлаштирилиб берилди.
Эслатиб ўтамиз: Юқорида келтирилган маълумотларни инобатга олган ҳолда, фуқаролардан ўз паспортини (ID-картани) эҳтиёт қилиб сақлаш зарурлигини унутмаслик кераклиги, ёш болаларнинг қўлига тушиб қолмаслигини, эҳтиётсизлик оқибатида яроқсиз ҳолга келишининг олдини олиш муҳим эканлигини ёдда тутишни сўраймиз. Зеро бу сизнинг шахсингизни, Ўзбекистон Республикаси фуқароси эканлигингизни тасдиқлавчи муҳим ҳужжатдир.
Бахтиёр Урунов Самарқанд шаҳар бўйича ИИО ФМБ 8-сон ИИБ ИМГ мутахассиси, капитан.
