Ҳаж сафари давомида қирғизистонлик уч нафар зиёратчи вафот этди
Макка шаҳрида (Саудия Арабистони) қирғизистонлик уч нафар зиёратчи вафот этди. Бу ҳақдаги маълумотни Қирғизистон мусулмонлари идораси матбуот котиби берди.
Қирғизистонликлар қариндошларининг розилиги билан Маккада дафн этилган. Ўлим сабаби ҳозирча номаълум. Диний идора маълумотларига кўра, ҳаётдан кўз юмганларнинг уч нафари ҳам 60 ёшдан ошган.
Бундан олдин, Ҳаж-2019 мавсумида хавфсизлик учун 400 мингга яқин ҳарбий жалб этилгани, ҳожилар сони эса рекорд даражага етиши кутилаётгани хабар қилинганди.
Ўзбекистон мусулмонлари идораси Ўзбекистон мусулмонлари номидан қардош қирғизистонлик зиёратчиларнинг оила аъзоларига ҳамдардлик билдиради.
