ҲАМАСга янги етакчи тайинланди. Трамп Гренландияни ҳар қандай йўл билан эгаллайдими? Қуёшда улкан тешик аниқланди
🔹 Муҳаммад Синвар ҲАМАСнинг янги етакчисига айланди. Ўтган йил октябрида ойида вафот этган гуруҳ етакчиси Яҳё Синварнинг кенжа укаси аввалроқ ташкилотнинг асосий қаноти – Иззиддин ал-Қассам бригадасини бошқарган. У ҳарбий операцияларни давом эттирмоқда.
🔹 20 январь куни Доналд Трамп ўз лавозимини эгаллайди. Қўшма Штатлардаги сайловлар нафақат энг қудратли ва бой мамлакатни, балки бошқаларни ҳам ташвишга солмоқда. Америкаликлар ўз собиқ раҳбарига ишонишди ва унга яна овоз беришди. Бўлажак президент Гренландияни эгаллаб олиш учун куч ишлатиш эҳтимолини истисно қилмади ва ўз нияти жиддийлигини у ерга ўғли кичик Доналдни жўнатиш билан тасдиқлади. Дунёнинг энг бой одами Илон Маск билан иттифоқи унга бундай қадамларида асқатади, дейишмоқда сиёсатчилар.
🔹 Калифорниядаги ёнғинларга Янги йил арафасидаги фейерверклар сабабли бўлиши мумкин. Фото, видео, радиоматериаллар ва сунъий йўлдошдан олинган суратлар таҳлил қилингач шу тахмин ҳам илгарни сурилмоқда.
🔹 ЖССТ ишонтирмоқда: метапневмовирус инфекциясини пандемия таҳдиди деб ҳисобламайди ва соғлиқни сақлаш соҳасида фавқулодда чораларни жорий этиш учун асос йўқ.
🔹 Россия ҳукумати фуқаролик аэропортларини учувчисиз учоқларга қарши мудофаа тизимлари билан жиҳозлаш учун федерал бюджетдан маблағ ажратмасликка қарор қилди.
🔹 Илон Маск "ирқчи" ва "асли ёмон одам". Бундай фикрни Доналд Трампнинг собиқ маслаҳатчиси Стив Баннон бирдирган. У, шунингдек, Маскни Трамп инаугурациясига қадар “қувиб юборилишини” таъминлашга ваъда берди.
🔹 Зеленский украиналик аскарларни қайтариш эвазига асирдаги Шимолий Корея аскарларини қайтариш мумкинлигини айтмоқда.
🔹 Ҳиндистон бош вазири Моди баҳсли Кашмирдаги стратегик туннелни очди. 932 миллион долларлик лойиҳа Кашмирни Ладак - Ҳиндистон, Покистон ва Хитой ўртасида жойлашган ва ўнлаб йиллар давомида ҳудудий тортишувлардан азият чекаётган совуқ чўл минтақаси билан боғлайди.
🔹 НАСА: сўнгги йилларда энг йирик табиий ҳодиса - Қуёшда улкан тожли тешик топилди. У Қуёш атрофининг чорак қисмини эгаллаган. Бу ҳодиса шиддатли қуёш шамолларини қўзғатади, улар аллақачон Ер томон йўналган. Ерни кучли магнит бўронлари, сунъий йўлдош телевидениеси ва радио алоқаларидаги носозликлар кутмоқда.
