Ҳосил байрамида пастдарғомлик фермерга "Nexia-3" берилди
Паст Дарғом туманида қишлоқ хўжалик ходимлари куни кўтаринки кайфият билан нишонланди.
Туман ҳокими Ш.Худойбердиев деҳқон ва фермер, боғбон ва чорвадорлар, томорқачиларни ушбу айём билан табриклади.
Шундан сўнг бу йилги мавсум илғорларига туман ҳокимлигининг фахрий ёрлиқ ва қимматбаҳо совғалари топширилди.
Энг катта совға "Сарбон Н.И.Эргашов" фермер хўжалиги раҳбари Наврўз Эргашевга насиб этди. Фермер бу йил шартномадаги 597 тонна ўрнига 677 тонна пахта етиштириб, шартнома мажбуриятини туманда биринчилардан бўлиб бажарди.
Наврўз Эргашевга "Nexia-3" автомашинаси совға қилинди.
