Hosil bayramida pastdarg‘omlik fermerga "Nexia-3" berildi
Past Darg‘om tumanida qishloq xo‘jalik xodimlari kuni ko‘tarinki kayfiyat bilan nishonlandi.
Tuman hokimi Sh.Xudoyberdiyev dehqon va fermer, bog‘bon va chorvadorlar, tomorqachilarni ushbu ayyom bilan tabrikladi.
Shundan so‘ng bu yilgi mavsum ilg‘orlariga tuman hokimligining faxriy yorliq va qimmatbaho sovg‘alari topshirildi.
Eng katta sovg‘a "Sarbon N.I.Ergashov" fermer xo‘jaligi rahbari Navro‘z Ergashevga nasib etdi. Fermer bu yil shartnomadagi 597 tonna o‘rniga 677 tonna paxta yetishtirib, shartnoma majburiyatini tumanda birinchilardan bo‘lib bajardi.
Navro‘z Ergashevga "Nexia-3" avtomashinasi sovg‘a qilindi.
