Past Darg‘om tumani - "Eng boy kutubxonaga ega mahalliy hokimlik"
Shu yilning sentyabr oyida viloyat hokimligi tomonidan mahalliy hokimliklarda kitobxonlik madaniyatini shakllantirishni yangi bosqichga olib chiqish maqsadida "Eng boy kutubxonaga ega mahalliy hokimlik" yo‘nalishi bo‘yicha ko‘rik-tanlov e’lon qilingan edi.
3 oy davomida olib borilgan tanlov jarayonidan so‘ng bugun, yakuniy bosqich natijalari omma e’tiboriga havola etildi.
Unga ko‘ra, Past Darg‘om tumani hokimligi ushbu yo‘nalishda birinchi o‘rinni egalladi.
Shu munosabat bilan o‘tkazilgan tadbirda viloyat hokimi A.Boboyev Past Darg‘om tumani hokimiga tanlov g‘olibligini tantanali ravishda topshirdi.
