Ибратли ҳикоя: Инсон ҳаёти

- Дада, дунёдаги энг кичик нарса нима?

- Инсон ҳаёти, болам. Одам эндигина яшашни бошладим дегунча, аллақачон кекса одамга айланиб қолган бўлади.

- Физика ўқитувчимиз эса энг кичкина нарса бу электрон деб айтди... 

Дунёдаги ҳамма нарсадан узун нарса-чи, у нима?

- Инсон ҳаёти, болам. Бир одам ўз ҳаёти давомида шунчалик кўп хатога йўл қўядики, бу хатоларни ҳатто унинг неваралари ҳам тузата олмайди.

- География ўқитувчимиз энг узун нарса, бу - Экватор, деб айтди. Демак, у киши бизни алдаган экан-да.

Дадажон, дунёда нима кўпроқ қадрланади?

- Инсон ҳаёти.

- Тўғри! Биз буни адабиётда ўтган эдик. Унда энг арзон нарса нима?

- Инсон ҳаёти, болам. Баъзида уни сариқ чақага алмаштиришади, ҳатто бепул ҳам бериб юборишади.

- Тарих дарсида бизга қўл меҳнати, дейилганди. Эҳтимол, ёдингиздан чиққандир. Ҳа, майли унда айтингчи, энг мураккаб теорема қандай номланади?

- Инсон ҳаёти, ўғлим. Одам ҳар куни эрталабдан кечгача ўзига ва бошқаларга ниманидир исботлашга ҳаракат қилади.

- Йўқ, йўқ! Бу энг машҳур теоремалардан бири фермтеоремаси, биз буни математика дарсида ўтгандик!

- Дадажон, сиз энг содда ҳужайраларни биласизми?

- Инсон ҳаёти. Унинг панжарали деразалари, қулфли эшиклари, эҳтиёткор қўриқчилари йўқ, кўпинча инсон оғир вазиятдан қутулиш йўлини ҳам топа олмайди.

- Мен биологиядаги ҳужайралар ҳақида сўраяпман, дада! Дарсликда дейилганки... Ҳазилингизни қўйсангизчи! Кулмасангизчи! Эйнштейн ҳаммадан ақлли бўлгани ростми?

- Ҳаммадан кеч туғилган - энг ақлли одамдир.

- Фақат полвонлар ҳаммадан кучлироқ бўлгани ростми?

- Энг кучли одам – душманлари билан улар тушунадиган тилда гаплаша оладиган кишидир.

- Унда ким энг чиройли?

- Ҳеч қачон ойнага қарамайдиган киши энг чиройли, болам.

- Энг раҳмдил киши ҳаммага ачинадиган одамми?

- Энг раҳмдил киши болам, ҳатто ўзига ачинмайди.

Александр Щёголев.