Каттақўрғонда ўқувчининг онаси ўқитувчига тарсаки туширди

Ушбу ҳолат юзасидан вилоят мактабгача ва мактаб таълими бошқармаси муносабат билдирди.

Билдирилишича, воқеа шу йилнинг 17 март куни соат 10:47 ларда Каттақўрғон туманидаги 93-мактабда содир бўлган. Аввалига она ўқитувчи билан жанжаллашган. Шундан сўнг у ўқитувчининг юзига тарсаки туширган.

"Ҳозирда ҳолат ҳуқуқни муҳофаза қилиш идоралари томонидан ўрганилмоқда", дейилади бошқарма хабарида.