Nepalda kuchli zilzila sodir bo‘ldi
Bugun tongda Nepalda kuchli yer silkinishi yuz berdi. Vayron bo‘lgan uy ostida 6 kishidan iborat butun oila halok bo‘ldi, ulardan 5 nafari bolalar bo‘lgan. Bu haqda ANI agentligi mahalliy politsiyaga tayanib xabar berdi.
Huquq-tartibot idoralari ma’lumotlariga ko‘ra, yana 5 kishi jarohat olgan, ular hozir kasalxonada. Voqea joyida qutqaruv xizmatlari ishlamoqda.
Seysmologlarning ma’lumotlariga ko‘ra, zilzila magnitudasi o‘rtacha 5,5 ballni tashkil qilgan. Eng kuchli silkinishlar mamlakat g‘arbida joylashgan Doti hududida sezilgan.
Ma’lum qilinishicha, zilzila juda keng amplitudaga ega bo‘lgan, garchi zilzila epitsentridan 300 kilometrdan uzoq masofada joylashgan bo‘lsa-da, hatto Hindiston poytaxti Dehlida ham sezilgan.
