O’zLiDeP 22 йилда: Партия ривожи ва режалари тақдим этилди

O’zLiDePнинг 22 йиллиги муносабати билан партиянинг Самарқанд вилоят Кенгашида давра суҳбати бўлиб ўтди.

Партия фаоллари, қуйи бўғин вакиллари, бошланғич партия ташкилотлари раҳбарлари, маҳаллий Кенгаш депутатлари, ёшлар ва аёллар қаноти фаоллари иштирок этган тадбирда O’zLiDeP вилоят Кенгаши раиси Илҳом Ботиров партиянинг 22 йиллик фаолияти, вилоятдаги ривожланиш динамикаси ва ортиқча ютуқлари ҳақида гапирди.

Тадбирда партиянинг 2003 йилдан буёнги йўли, сайловлардаги фаол иштироки ва электорат орасидаги қўллаб-қувватлови эътироф этилди. Самарқанд вилоятидаги бошланғич партия ташкилотлари сони 175 тадан 1500 тагача, аъзолар сони эса 2061 нафардан 171 минг нафаргача ошгани қайд этилди. Бундай ўсиш партиянинг жойлардаги нуфузи ва фуқароларнинг либерал-демократик ғояларга бўлган ишончининг ортиб бораётганини кўрсатади.

Шунингдек, O’zLiDePнинг вилоятда ёшлар ва аёллар билан олиб бораётган ишлари, хусусан, “Ёшлар қаноти”нинг 80 мингдан ортиқ тадбирлари ва “Аёллар қаноти” ташаббуси билан амалга оширилган 50 мингдан зиёд лойиҳалар тўғрисида маълумотлар берилди. “Ишбилармон аёл” танловининг аёллар тадбиркорлигини ривожлантиришдаги ўрни алоҳида таъкидланди.

Учрашув якунида йиллар давомида партия сафида меҳнат қилиб келаётган фаоллар ва депутатлар махсус эсталик совғалари билан тақдирланди.