Пайариқдаги мактабнинг эски доскалари бўйича муносабат билдирилди
Аввалроқ каналимизда мазкур тумандаги 65-мактабда фойдаланишда бўлган ёзув доскаси аҳволи ҳақида маълумот берилганди. Вилоят халқ таълими бошқармаси муносабатига кўра, доскалар янгисига алмаштирилган.
“Пайариқ тумани Мактабгача ва мактаб таълими бўлимига қарашли 65-умутаълим мактаби 1987 йилда (784 ўринли ) қурилган. 2009 йилда мукаммал таъмирлаш ишлари олиб борилган. Бугунги кунда мактаб биносида 883 нафар ўқувчи 1,1 навбатда таълим олишади.
Мактабда 32 та синфхона мавжуд бўлиб, шу кунгача 21 та синф хоналардаги доскалар янгисига алмаштирилган эди.
Бугун мактабнинг 7 та синф хоналаридаги мактаб доскалари янгисига алмаштирилди. Жумладан ижтимоий тармоқларда суратлари тарқалган 2-«Д» синфхонасига ҳам янги доска ўрнатилди. Мактабдаги яна 4 та синфхоналаридаги доскаларини янгисига алмаштириш учун туман ҳокимлиги ва туман молия бўлими томонидан маблағ ажратиш режалаштирилмоқда” дейилади бошқарма муносабатида.
