Payariqdagi maktabning eski doskalari bo‘yicha munosabat bildirildi

Avvalroq kanalimizda mazkur tumandagi 65-maktabda foydalanishda bo‘lgan yozuv doskasi ahvoli haqida ma’lumot berilgandi. Viloyat xalq ta’limi boshqarmasi munosabatiga ko‘ra, doskalar yangisiga almashtirilgan.

“Payariq tumani Maktabgacha va maktab ta’limi bo‘limiga qarashli 65-umuta’lim maktabi 1987 yilda (784 o‘rinli ) qurilgan. 2009 yilda mukammal ta’mirlash ishlari olib borilgan. Bugungi kunda maktab binosida 883 nafar o‘quvchi 1,1 navbatda ta’lim olishadi.
Maktabda 32 ta sinfxona mavjud bo‘lib, shu kungacha 21 ta sinf xonalardagi doskalar yangisiga almashtirilgan edi.

Bugun maktabning 7 ta sinf xonalaridagi maktab doskalari yangisiga almashtirildi. Jumladan ijtimoiy tarmoqlarda suratlari tarqalgan 2-«D» sinfxonasiga ham yangi doska o‘rnatildi. Maktabdagi yana 4 ta sinfxonalaridagi doskalarini yangisiga almashtirish uchun tuman hokimligi va tuman moliya bo‘limi tomonidan mablag‘ ajratish rejalashtirilmoqda” deyiladi boshqarma munosabatida.