Самарқанд шаҳар фавқулодда вазиятлар бўлими аҳолини фирибгарлардан огоҳлантирди
ФВБ маълумотига кўра, Тошкентда ўзини Фавқулодда вазиятлар вазирлиги ёки ўт ўчирувчи ходимлари сифатида кўрсатаётган бир гуруҳ фирибгарлар махсус кийимларда уйма-уй юриб қандайдир хизматлар учун пул тераётгани ва "хизмат" вақтида қўлга олингани ҳақида хабарлар тарқалган.
Шу каби ҳолатлар бошқа ҳудудларда ҳам кузатилаётгани боис Самарқанд шаҳар фавқулодда вазиятлар бўлими ҳамшаҳарларимиз ва шаҳримиз меҳмонларини бу каби фирибгарлар тузоғига тушиб қолишдан эҳтиёт бўлишга чақиради.
Бундай ҳолатларда 1050 рақамлар орқали боғланиб, вазият ҳақида тўлиқ ахборот олишингиз мумкинлиги сўралади, дейилади ФВБ хабарида.
