Samarqand shahar favqulodda vaziyatlar bo‘limi aholini firibgarlardan ogohlantirdi
FVB ma’lumotiga ko‘ra, Toshkentda o‘zini Favqulodda vaziyatlar vazirligi yoki o‘t o‘chiruvchi xodimlari sifatida ko‘rsatayotgan bir guruh firibgarlar maxsus kiyimlarda uyma-uy yurib qandaydir xizmatlar uchun pul terayotgani va "xizmat" vaqtida qo‘lga olingani haqida xabarlar tarqalgan.
Shu kabi holatlar boshqa hududlarda ham kuzatilayotgani bois Samarqand shahar favqulodda vaziyatlar bo‘limi hamshaharlarimiz va shahrimiz mehmonlarini bu kabi firibgarlar tuzog‘iga tushib qolishdan ehtiyot bo‘lishga chaqiradi.
Bunday holatlarda 1050 raqamlar orqali bog‘lanib, vaziyat haqida to‘liq axborot olishingiz mumkinligi so‘raladi, deyiladi FVB xabarida.
