Самарқанд шаҳри мутасаддилари Хитойдаги халқаро анжуманда қатнашяпти
Хитой давлати Шандун провинциясининг Цзинань ва Циндао шаҳрларида биродарлашган шаҳарлар ҳамкорлигини ривожлантириш юзасидан халқаро конференция бўлиб ўтмоқда.
15-20 октябрь кунлари ўтказилаётган мазкур тадбирда Самарқанд шаҳар ҳокимининг ўринбосари Эркин Ражабов бошчилигидаги бир гуруҳ ҳамшаҳарларимиз, тадбиркорлар иштирок этмоқда.
Вакилларимизни Цзинань шаҳар конгрессининг доимий қўмитаси раҳбари Инь Луцянь қабул қилди. Учрашувда икки шаҳарнинг келгусидаги ижтимоий-иқтисодий алоқалари тўғрисида музокаралар олиб борилди ва ўзаро ҳамкорлик меморандуми имзоланди.
Самарқанд шаҳар ҳокимлиги ахборот хизмати.
