Самарқандда бугун, 4 ноябрдан иситиш мавсуми бошланди

Бу ҳақда вилоят ҳокимининг тегишли фармойиши қабул қилинди.

Ҳужжатга кўра, шаҳар ва туманлар ҳокимликлари, вилоят ижтимоий соҳа ташкилотлари ва коммунал соҳа корхоналарида шу йилнинг 4 ноябридан кечаю кундуз ишловчи штаблар ташкил қилиш белгиланган.

Ижтимоий соҳа объектлари ва аҳоли яшаш уй-жойларига, “Иссиқлик таъминоти” МЧЖ тизимидаги иситиш қозонхоналарига узлуксиз ҳамда бир меъёрда табиий газ, электр энергияси қуввати етказиб бериш ҳамда суюлтирилган газ ва кўмир билан таъминлаш вазифалари юклатилган.