Samarqandda bugun, 4 noyabrdan isitish mavsumi boshlandi
Bu haqda viloyat hokimining tegishli farmoyishi qabul qilindi.
Hujjatga ko‘ra, shahar va tumanlar hokimliklari, viloyat ijtimoiy soha tashkilotlari va kommunal soha korxonalarida shu yilning 4 noyabridan kechayu kunduz ishlovchi shtablar tashkil qilish belgilangan.
Ijtimoiy soha ob’yektlari va aholi yashash uy-joylariga, “Issiqlik ta’minoti” MChJ tizimidagi isitish qozonxonalariga uzluksiz hamda bir me’yorda tabiiy gaz, elektr energiyasi quvvati yetkazib berish hamda suyultirilgan gaz va ko‘mir bilan ta’minlash vazifalari yuklatilgan.
