Самарқандда тумангаз таъминоти раҳбари пора билан қўлга тушди

ДХХ вилоят бошқармаси ҳамда Иқтисодий жиноятларга қарши курашиш департаменти вилоят бошқармаси билан ҳамкорликда ўтказилган тадбир давомида “Оқдарё тумангаз” газ таъминоти бўлими бошлиғи Н.М. маҳаллий фуқаронинг яшаш хонадонига электрон газ ҳисоблагич ўрнатиш ва уни тармоққа улаб бериш хизмати эвазига ундан 4 миллион сўм талаб қилиб, унинг 2 миллион сўмини пора сифатида олгани аниқланган. Қолган 1 миллион сўмни фуқародан олаётган вақтида қўлга олинган.

Ҳозирда, Н.М.га нисбатан Ўзбекистон Республикаси Жиноят Кодексининг 210-моддаси билан жиноят иши қўзғатилиб, у эҳтиёт чораси тариқасида қамоққа олинган ҳамда тергов ҳаракатлари олиб борилмоқда.