Самарқандлик икки нафар йигитга “Мард ўғлон” давлат мукофоти топширилди (видео)
Самарқанд шаҳрида 30 июнь – Ёшлар куни муносабати билан байрам тантаналари бўлиб ўтди. Унда Самарқанд вилоят ҳокими Эркинжон Турдимов самарқандлик икки нафар йигитга “Мард ўғлон” давлат мукофотини топширди.
Улардан бири Рузимуродов Асқар Собир ўғли – Чирчиқ олий танк қўмондонлик-муҳандислик билим юртининг 3-босқич курсанти. Иккинчиси Узбеков Лазизхон Хомидхон ўғли – Самарқанд ихтисослаштирилган олимпия захиралари мактаб-интернатининг 3-босқич ўқувчисидир.
