Шимолий Корея ўзининг энг катта ракетасини синовдан ўтказди
Шимолий Корея бугунги кунга қадар қитъалараро масофага учувчи энг йирик баллистик ракетасини синовдан ўтказганини тасдиқлади.
Жанубий Корея ва Япония узоқ масофага учувчи ракетанинг 2017 йилдан бери илк синови пойтахт Пхеньян яқинидаги аэродромдан учирилганини тасдиқлади. Ҳар икки давлат КХДР ҳаракатларини қоралади.
2018 йилнинг апрель ойида Пхеньян ядровий ва қитъалараро баллистик ракета синовларига мораторий эълон қилган эди. Шу билан бирга, бу Шимолий Корея томонидан жорий йилда учирилган 12-ракетадир.
Март ойининг бошида ҳам Шимолий Корея АҚШ таъкидлаганидек, қитъалараро баллистик ракета тизими қисмларини синовдан ўтказиш мақсадида ракета учирган эди.
