Tojikiston dovonida qor ko‘chkisi oqibatida uch kishi halok bo‘ldi
Ko‘chki mamlakat shimolidagi So‘g‘d viloyatiga olib boruvchi Dushanbe-Chanoq avtomobil yo‘lida sodir bo‘lgan. Bu haqda yakshanba kuni yo‘lga xizmat ko‘rsatuvchi Innovative Road Solutions tolling kompaniyasining Tojikistondagi filiali ma’lum qilgan.
"Dushanbe-Chanoq avtomobil yo‘lining 157-kilometrida (Shahriston dovoni) "Musso" rusumli avtomashinani qor ko‘chkisi bosib qoldi. Natijada uch kishi voqea joyida vafot etgan, bir yo‘lovchi Shahriston tuman kasalxonasiga yotqizilgan", deyiladi xabarda.
Fuqarolar shaxsi haqida xabar berilmagan.
