Украина президенти инагурация маросимига нечта президент келади?

Украинанинг янги сайланган президенти Зеленскийнинг иннагурация маросимига келадиган нуфузли меҳмонларнинг кимлиги аниқ бўлди.

Маросим эртага, маҳаллий вақт билан соат 10:00 да бошланади.

Маросимда Зеленский қасамёд қабул қилади ва Украинанинг янги президенти сифатида ўз фаолиятини бошлайди.

Киевда ўтадиган ушбу тантанали маросимда Латвия, Литва, Эстония, Грузия, Венгрия президентлари, Туркия вице-президенти, Молдавия Бош вазири, Озарбайжон ҳукумат раиси, АҚШ энергетика вазири, Канада Мудофаа вазирининг қатнашишлари аниқ бўлди. Эртага, маросим бошлангунча яна бир қатор нуфузли меҳмонлар келиши кутилаяпти.

Эслатиб ўтамиз, Россия президенти матбуот котиби Дмитрий Песков Украина президентининг инагурация маросимига расмий Москва ҳеч қандай таклифнома олмаганини ва шу туфайли ҳеч ким бормаслигини маълум қилган эди.