Украина Радаси депутатлари йиғилишга Беларусь мухолифати байроқларини олиб келишди

Украина юқори Радаси спикери Дмитрий Разумков парламент йиғилишига депутатлар томонидан олиб келинган Беларусь мухолифати байроқларини йиғиштириб олишни сўради. Бу ҳақда 4 сентябрь куни РИА Новости хабар берди.

Хабарга кўра, деярли барча (“Халқ хизматкорлари”, “Европа бирдамлиги”, “Батькившинлар”, “Овозлар” ва “Келажак учун”) парламент фракциялари депутатлари 4 сентябрь куни Беларусдаги намойишчиларни қўллашларини билдириб, парламентга оқ-қизил байроқлар олиб келишган. Фақатгина “Ҳаёт учун - мухолифат платформаси” фракцияси ушбу тадбирда иштирок этмаган.

Депутатлар минбарда чиқиш қилганларидан сўнг Рада спикери ҳамкасбларидан парламентдан оқ-қизил байроқларни йиғиштириб олишни сўраган.

“Ҳамма байроқларни кўрди, илтимос, юқори Радада биринчи навбатда Украина давлат байроқлари бўлсин. Байроқларни йиғиштириб олинг”, деди Разумков.