Ukraina Radasi deputatlari yig‘ilishga Belarus muxolifati bayroqlarini olib kelishdi

Ukraina yuqori Radasi spikeri Dmitriy Razumkov parlament yig‘ilishiga deputatlar tomonidan olib kelingan Belarus muxolifati bayroqlarini yig‘ishtirib olishni so‘radi. Bu haqda 4 sentyabr kuni RIA Novosti xabar berdi.

Xabarga ko‘ra, deyarli barcha (“Xalq xizmatkorlari”, “Yevropa birdamligi”, “Batkivshinlar”, “Ovozlar” va “Kelajak uchun”) parlament fraksiyalari deputatlari 4 sentyabr kuni Belarusdagi namoyishchilarni qo‘llashlarini bildirib, parlamentga oq-qizil bayroqlar olib kelishgan. Faqatgina “Hayot uchun - muxolifat platformasi” fraksiyasi ushbu tadbirda ishtirok etmagan.

Deputatlar minbarda chiqish qilganlaridan so‘ng Rada spikeri hamkasblaridan parlamentdan oq-qizil bayroqlarni yig‘ishtirib olishni so‘ragan.

“Hamma bayroqlarni ko‘rdi, iltimos, yuqori Radada birinchi navbatda Ukraina davlat bayroqlari bo‘lsin. Bayroqlarni yig‘ishtirib oling”, dedi Razumkov.