Xorij voqealari qisqa xabarlarda: Qirg‘iziston Tojikiston bilan chegaradagi muammolarni hal qilmoqchi
🔹 Tbilisida politsiya va maxsus kuchlar Gruziya parlamenti binosi yaqinida “xorijiy agentlar” haqidagi qonunga qarshi navbatdagi norozilik namoyishini tarqata boshladi. Namoyishchilar deputatlar qonun loyihasini ko‘rayotgan parlamentdan chiqish yo‘llarini to‘sib, politsiyaga tosh va shishalar otishgan. Bunga javoban huquq-tartibot xodimlari namoyishchilarga qarshi ko‘zdan yosh oqizuvchi gaz, suv purkagich, rezina o‘qlardan foydalangan. Gruziya muxolifati qonun loyihasi Rossiyaning "xorijiy agentlar" haqidagi qonunchiligini takrorlaydi, deb da’vo qilmoqda.
🔹 Chegara muammosini hal qilish uchun Qirg‘iziston va Tojikiston hududlarni almashish variantini ko‘rib chiqishi mumkin, degan Qirg‘iziston Respublikasi Xavfsizlik kengashi kotibi Marat Imanqulov. Muammo shundaki, Botken viloyatidagi chegara aholi gavjum hududlardan, ko‘cha yoki hovlilar va hatto uylar orqali o‘tadi.
🔹 Ukrainaning jangovar uchuvchisiz qurilmalari Rossiyaning Ryazan neftni qayta ishlash zavodiga hujum qilgan. Yong‘inni o‘chirish ishlari davom etmoqda. Qurbonlar haqida ma’lumot berilmagan.
🔹 Polsha Qurolli Kuchlari harbiy texnikani mamlakat shimoliga, jumladan Rossiyaning Kaliningrad viloyati bilan chegaralarga o‘tkazishmoqchi. Bunga NATO mashg‘ulotlari o‘tkazilishi va qo‘shinlarning Rossiya chegaralariga qadar harakatlanishi sabab bo‘lmoqda.
🔹 Turkiya Anqara ko‘chalarini kuchli yomg‘ir tufayli yana suv bosdi. Yog‘ingarchilik tufayli shahardagi suv sezilarli darajada ko‘tarilgan.
🔹 Fransiya politsiyasi Parij meriyasi oldidagi qochqinlar lagerini tarqatib yubordi. Shaharda Olimpiadaga shu tarzda hozirlik ko‘rililayotgani aytilmoqda. Bunday tozalashlar ko‘payib, migrantlar shahar chetiga emas, balki poytaxtdan uzoqroqqa olib ketilmoqda.
🔹 AQSh Mudofaa vaziri Lloyd Ostin hamkor davlatlarni Patriot zenit-raketa komplekslarini Ukrainaga topshirishga
chaqirdi.
