Янги кўкрак нишони таъсис этилмоқда
Ҳукуматнинг тегишли қарори лойиҳасига кўра, “Барқарор ривожланиш мақсадлари сари” кўкрак нишони таъсис этиш режалаштирилмоқда.
Таъкидланишича, кўкрак нишони билан маҳаллий давлат ҳокимияти органлари ва республика ижро этувчи ҳокимият органлари ходимлари, нодавлат нотижорат ташкилотлари, оммавий ахборот воситалари вакиллари ҳамда ташаббускор фуқаролар мукофотланиши мумкин.
Қайд этилишича, кўкрак нишони ҳар йили 25 сентябрь — Бирлашган миллатлар ташкилоти томонидан 2030 йилгача Барқарор ривожланиш соҳасидаги БМТ кун тартиби тасдиқланган куни арафасида тантанали равишда топширилади. Тақдирланганларга базавий ҳисоблаш миқдорининг тўрт баравари миқдорида бир йўла тўланадиган пул мукофоти берилади.
Мазкур мукофотлар базавий ҳисоблаш миқдорининг тўрт баравари миқдорида бир йўла тўланадиган пул маблағи билан ҳар йили 1 сентябрь – Мустақиллик байрами арафасида тақдирланганларга топширилади.
