Bolaga kitob bering!

Respublika "Ma’rifat" gazetasi tahririyati tashabbusi bilan Nurobod tumanidagi 15-umumiy o‘rta ta’lim maktabida shunday nomlangan kitobxonlik tadbiri o‘tkazildi.

Tadbir davomida o‘quvchilar o‘rtasida tashkil etilgan kitobxonlik tanlovining g‘oliblari taqdirlandi.

G‘olib bo‘lgan o‘quvchilarga tanlovni tashkil etgan ma’rifatparvar insonlar tomonidan 300 ming so‘mdan 1 million so‘mgacha pul mukofoti va kitoblar jamlanmasi berildi.

Faxriy ustozlar, o‘qituvchilar va o‘quvchilarga hamda maktab kutubxonasiga 1000 dan ziyod kitob, yana shuncha gazeta va jurnallar tarqatildi.

Bolalar Xurshid Do‘stmuhammad, Sirojiddin Sayyid, Farmon Toshev, Salim Ashur, Iqbol Mirzo, Qo‘chqor Norqobil kabi taniqli ijodkorlarning dastxati tushirilgan kitoblarni xursandchilik bilan olishdi va quvonishdi.

O‘zbekiston Yozuvchilar uyushmasi, uyushmaning Samarqand viloyati bo‘limi, "Xalq so‘zi", "Zarafshon" gazetalari tahririyatlari sovg‘a qilgan kitoblari maktab kutubxonasini boyitdi.