Jaloliddin Manguberdining jasorati harbiy xizmatchilarni vatanparvarlik ruhida tarbiyalashda asqotadi
O‘zbekiston Qurolli Kuchlari Kichik mutaxassislarni tayyorlash markazida “Jaloliddin Manguberdi jasoratining harbiy xizmatchilarni vatanparvarlik ruhida tarbiyalashdagi ahamiyati” mavzusida respublika ilmiy konferensiyasi bo‘lib o‘tdi.
Harbiy vatanparvarlik oyligi doirasida tashkil etilgan mazkur anjumanning ochilish marosimida Jaloliddin Manguberdi haqida sahna ko‘rinishlarining namoyish etilishi kursantlarda o‘sha davr haqida jonli tasavvur hosil bo‘lishiga xizmat qildi.
Konferensiyada mamlakatimizning turli oliy o‘quv yurtlaridan kelgan ilmiy izlanuvchilarning mavzuga oid ma’ruzalari tinglandi. Manguberdining jang qilish usullari, jasoratining yosh avlodni tarbiyalashda ma’naviy-tarbiyaviy ahamiyati, Xorazmshohlar davrida davlat boshqaruvi, birlamchi manbalardagi ma’lumotlarning qiyosiy tahliliga bag‘ishlangan ilmiy ma’ruzalar qatnashchilarda qizg‘in bahs-munozaralar uyg‘otdi.
Anjuman ishida Kichik mutaxassislarni tayyorlash markazi kursantlari o‘zlarini qiziqtirgan savollarga mutaxassislardan javob oldi.
Umarjon YaXShIMURODOV.
