Jamoat xizmati internatsional Yevropa federatsiyasi yoshlar kengashi hamraisi Alina Tankelyun Samarqandga keldi
Alina Tankelyun va delegatsiya a’zolarini Samarqand temir yo‘l vokzalida Sog‘liqni saqlash xodimlari kasaba uyushmasi Respublika kengashi raisi Farhod Xanapiyayev hamda Kasaba uyushmalari Federatsiyasi viloyat kengashi raisi Suhrob Rafiqov kutib oldi.
16-17 aprel kunlari Samarqand davlat tibbiyot universitetida Alina Tankelyun hamda Sog‘liqni saqlash xodimlari kasaba uyushmasi mas’ullari ishtirokida "Rahbar va yosh xodimlar", "Rahbar va yoshlar" uchrashuvlari bo‘lib o‘tadi.
Uchrashuvda O‘zbekiston sog‘liqni saqlash xodimlari kasaba uyushmasi tizimida yoshlarga oid davlat siyosatini amalga oshirish, yosh xodimlarni qo‘llab-quvvatlash, ularning muammolariga yechim topish hamda takliflarini qo‘llab-quvvatlash maqsadida Samarqand, Sirdaryo, Jizzax, Surxondaryo va Qashqadaryo viloyatlari yoshlari bilan ochiq muloqot qilinadi.
Tadbir doirasida mehmonlarning shahardagi diqqatga sazovor joylarga sayohati tashkil etiladi.
