JSST: Koronavirus millionlab insonlarning ruhiyatiga salbiy ta’sir qildi

Koronavirus pandemiyasi dunyo bo‘ylab millionlab odamlarning ruhiy salomatligiga salbiy ta’sir ko‘rsatdi. Bu haqda Jahon sog‘liqni saqlash tashkiloti Bosh direktori Tedros Adxanom Gebreyesus Jenevada o‘tkazilgan brifingda ma’lum qildi.

“COVID-19 sababli yuzaga kelgan tahlika va sarosima, shuningdek, ruhiy salomatlikni qo‘llash markazlari faoliyati buzilishi sababli millionlab odamlar ruhiyati jabrlandi”, dedi u.
JSST rahbarining fikriga ko‘ra, bunday holatning yuzaga kelishiga ko‘plab mamlakatlarda joriy etilgan cheklov choralari va insonlar o‘rtasidagi muloqotning qisqarganligi sabab bo‘lgan.

Gebreyesus dunyo bo‘ylab ruhiy kasalliklardan milliardga yaqin odam aziyat chekishini, biroq juda kamchilik sifatli tibbiy yordamdan foydalanish imkoniyatiga ega ekanligini alohida ta’kidladi.