Minskda namoyishlar, Berlinda ibodat

Belarus poytaxtida o‘tgan yakshanba kuni "Xalqning ayblov yurishi"da huquqni muhofaza qilish organlari xodimlari 300 dan ortiq odamni hibsga oldi. Bular Minsk shahar ijroiya qo‘mitasining ichki ishlar boshqarmasi ma’lumotlariga asosan ma’lum bo‘ldi. "Vesna" inson huquqlari markazida 261 nafar namoyishchining shaxsi aniqlandi. Yurishlar yana markazlashmagan shaklda o‘tkazildi. Minsk hukumati birinchi marta norozilik namoyishchilari uchun uyali aloqani cheklamadi va metro stansiyalarini yopmadi.

Ma’lumki, Aleksandr Lukashenko g‘olib deb e’lon qilingan prezidentlik saylovlari natijalariga norozilarning ommaviy namoyishlari to‘rt oydan beri to‘xtamayapti.

Norozilik harakati rahbari Svetlana Tixanovskaya butun dunyo diniy jamiyatlariga mamlakatdagi demokratik harakatni qo‘llab-quvvatlagani uchun minnatdorlik bildirdi.

Ayni paytda Svetlana Tixanovskaya Berlinda. Uning Germaniya prezidenti Frank-Valter Shtaynmayer bilan uchrashishi rejalashtirilgan. Keyingi tashrifi esa Bryusselga bo‘ladi.

Berlin soboridagi ibodat paytida Tixanovskaya shunday dedi: "Har qanday birodarlik ishorasi, har qanday birdamlik belgisi to‘siqlarni buzadi. Ishonchning har qanday ifodasi, har qanday qo‘llab-quvvatlash harakati ko‘priklar yaratadi. Buning uchun Belarus xalqi nomidan chuqur minnatdorchilik bildirishga ijozat bering. Xudo barchangizni o‘z panohida asrasin".