O‘zbekiston xorijdan 781,7 ming dona mobil telefon import qildi
Davlat statistika qo‘mitasi ma’lumotlariga ko‘ra, joriy yilning 1 noyabr holatiga ko‘ra, mamlakatimizga qiymati 64,6 million AQSh dollariga teng bo‘lgan 781,7 ming dona mobil telefonlari import qilingan.
Mamlakatimiz 19 ta davlatdan mobil telefonlari import qilgan.
O‘zbekiston mobil telefonlarini eng ko‘p import qilgan davlatlar:
- Xitoy – 556,6 ming dona
- Vetnam – 143,4 ming dona
- Hindiston – 36,7 ming dona
- BAA – 23,9 ming dona
- Rossiya – 11,3 ming dona
Ma’lumot o‘rnida, mamlakatimizda 2019 yilda 235 ming dona, qiymati 31,7 milliard so‘mlik uyali va boshqa simsiz aloqa tarmog‘i uchun telefonlar ishlab chiqarilgan.
