Uyali telefonlarning “zaryadka”sidan yong‘in chiqishi mumkinmi?

Albatta, deydi mutaxassislar, hozirda mutlaqo barcha zaryadlash vositalari impuls tipli bo‘lib, ular telefondan ajratib qo‘yilganda ham elektr energiyasini iste’mol qilishni davom ettiradi.

Zaryadlash vositalarining rozetkada qoldirishning asosiy xavfi shundaki, juda keng tarqalgan tarmoqdagi quvvat keskin ko‘tarilganda, har bir zaryadlovchida bo‘lgan past sifatli yoki “charchab qolgan” kondensatorlar bardosh bera olmasdan portlab ketishi mumkin.

Shuning uchun zaryadka olayotgan gadjetlaringizni qarovsiz qoldirmang. Agar siz xonani tark etishingiz kerak bo‘lsa, zaryadlovchini rozetkadan uzib qo‘yishingiz lozim.