So‘m bir kunda qariyb 0,4 foizga mustahkamlandi. Bu kunlik sessiyalar bo‘yicha rekord

Kecha valyuta birjasida 640 million dollardan ortiq qiymatdagi bitimlar o‘tgan. Bu erkin konvertatsiya yo‘lga qo‘yilgandan keyin o‘tgan sessiyalardagi mutlaqo yangi rekord, deb yozadi @the_bakiroo.

Kechagi sessiya vaqtida o‘zbek so‘mi AQSh dollariga nisbatan 41,33 so‘mga mustahkamlangan. Bitta sessiya davomida milliy valyutaning mustahkamlanishi ko‘rsatkichi bo‘yicha ham bu yangi rekord.

Katta ehtimol birjadagi koll-auksionlarga juda katta miqdorda valyuta sotish taklifi chiqarilgan. Bu balki Tiklanish va taraqqiyot jamg‘armasi, balki Moliya vazirligi yoki qaysidir boshqa davlat fondi bo‘lishi mumkin.

E’tiborlisi, o‘zbek so‘mining mustahkamlanishi bugun ham, ertalabki savdolarda yana davom etgan.