Viloyat hokimi kubogi: “Samarqand suvta’minoti” MChJ kubok sohibi bo‘ldi

Samarqand shahrida korxona va tashkilotlar xodimlari o‘rtasida minifutbol (futzal) bo‘yicha “Viloyat hokimi kubogi” musobaqasi o‘tkazildi.

Ishchi xodimlarni ommaviy sportga jalb etish, sog‘lom turmush tarzini targ‘ib etish maqsadida o‘tkazilgan futbol bellashuvida 24 jamoa o‘zaro kuch sinashdi. Olimpiya tartibida bo‘lib o‘tgan musobaqaning yakuniy final bahsida “Samarqand suvta’minoti” MChJ jamoasi viloyat sog‘liqni saqlash boshqarmasi jamoasi bilan o‘yinning asosiy vaqtida 2-2 hisobida do‘rang o‘ynadi. Penaltilar seriyasida 3-2 hisobida “Samarqand suvta’minoti” MChJ jamoasi g‘alaba qozonib g‘oliblikni qo‘lga kiritdi. Uchinchi o‘rin Yoshlar ishlari agentligining viloyat hududiy boshqarmasi  jamoasiga nasib etdi.

G‘olib va sovrindorlar tashkilotchilarning diplom va esdalik sovg‘alari bilan taqdirlandi.

H.FAZLIDDINOV.