Yo‘lovchi poyezdlarning tezligiga cheklov belgilandi
«O‘ztemiryo‘lyo‘lovchi» AJ ma’lum qilishicha, Samarqand - Buxoro, Buxoro - Xiva kabi temir yo‘l uchastkalarida harakatlanish xavfsizligini ta’minlash maqsadida yo‘lovchi poyezdlarning tezligiga cheklov belgilandi. Bunga respublikada kuzatilayotgan anomal issiqlik sabab sifatida keltirilgan.
«O‘ztemiryo‘lyo‘lovchi» AJ o‘z mijozlariga ko‘rsatilgan ishonch uchun minnatdorchilik bildirgan va yuzaga kelgan noqulayliklar uchun uzr so‘ragan.
