Ўзбекистонда 82 та кичик лойиҳаларни амалга ошириш натижасида йилига 187 миллион куб метр табиий газ тежалмоқда

Самарқанд шаҳрида Ўзбекистон Республикаси Энергетика ҳамда Иқтисодиёт ва саноат вазирликлари ташаббуси билан энергия самарадорлигини оширувчи маҳсулотлар ярмаркаси бўлиб ўтди.

Электр тармоқлари ва газ таъминоти ҳудудий ва минтақавий корxоналари раҳбарлари, саноат корxоналари вакиллари, шунингдек, истеъмолчилар иштирок этган ушбу ярмаркада юртимизда ва хорижда ишлаб чиқарилган энергия тежамкор ускуналар намойиш этилди.

Ярмаркадан сўнг ўтказилган давра суҳбатида Энергетика вазирлигининг энергия самарадорлиги департаменти директори М.Ҳакимов ҳамда “Ўзэнергоинспекция”нинг вилоят бўлими бошлиғи О.Ҳошимов Президентимизнинг 2019 йил 22 августдаги “Иқтисодиёт тармоқлари ва ижтимоий соҳанинг энергия самарадорлигини ошириш, энергия тежовчи технологияларни жорий этиш ва қайта тикланувчи энергия манбаларини ривожлантиришнинг тезкор чора-тадбирлари тўғрисида”ги қарори ва "Саноат корxоналарининг энергия самарадорлигини ошириш" лойиҳасини амалга ошириш бўйича олиб борилаётган ишлар сўз юритди.

- Иқтисодиёт ва саноат вазирлиги томонидан 2011 йилдан буён "Саноат корxоналарининг энергия самарадорлигини ошириш" лойиҳаси амалга ошириб келинмоқда, - деди лойиҳани мувофиқлаштирувчи гуруҳи директори Алишер Алимбаев. - Лойиҳа Жаҳон банки ҳамда Xалқаро тараққиёт банкининг 325 миллион долларлик имтиёзли кредитлари, шунингдек, юртимиздаги тижорат банкларининг маблағлари ҳисобидан молиялаштирилган. Унинг доирасида 30 дан ортиқ саноат корxоналарига имтиёзли кредитлар берилди. Нефть ва газ, тоғ-кон, кимё, электр энергияси, қурилиш ва қайта ишлаш каби соҳаларда 82 та кичик лойиҳаларни амалга ошириш натижасида йилига 187 миллион куб метр табиий газ тежалиши таъминланди.

Тадбирда вилоят ҳокими ўринбосари Р.Қобилов иштирок этди.

Дилмурод ТЎХТАЕВ.