Қизиқарли географик фактлар
Ерни ўрганиш жуда қизиқарли, афсуски, мактаб ўқув дастури унинг жисмоний ва сиёсий тузилиши ҳақидаги барча маълумотларни қамраб олмайди. Ушбу тўпламда Ер мавзусидаги қизиқарли географик фактлар жамланган.
Энг совуқ пойтахт қаерда жойлашган?
Одатда бу саволга Ер қутбларига яқинроқ жойларда бўлса керак, деган жавоб берилади. Ва одатда, хаёлга Скандинавиядаги Осло ва Рейкявик шаҳарлари келади. Метеорологлар дунёдаги энг совуқ пойтахт Улан-Батор шаҳри, деган фикрни баён қилишади. Мўғулистон пойтахтида 1 даража йиллик ўртача ҳарорат, совуқ ҳаво сақланиб турилади, айниқса қиши жуда қаттиқ, -40 даражагача совуқ бўлади.
Бир қадам қўйиб келажакка саёҳат қилинг
Ер юзида бир зумда 3,5 соат олдинга, яъни келажакка саёҳат қилишингиз мумкин бўлган жой бор. У Афғонистоннинг шарқий чегарасида жойлашган. Гап шундаки, мамлакатнинг кичик бир қисми Афғонистон вақтидан 3,5 соат олдинда юрадиган қўшни Хитой ичкарисига ёриб кирган. Бу дунёдаги бир қадам қўйиб, “кейинроқ”да бўлиб қолиш мумкин бўлган ягона жой.
Дунёдаги баланд тоғда жойлашган пойтахт
Боливия пойтахти Ла-Пас шаҳри денгиз сатҳидан 3600 метр баландликдаги миллион йиллар олдин сўнган вулқон кратерида жойлашган. Бу дунёдаги баланд тоғда турган ягона пойтахт бўлиб, унинг ҳудудида рекорд даражадаги кўп спорт иншоотлари, жумладан, стадион ва гольф майдончалари бор.
Кеннеди чўққиси
1965 йилгача Шимолий Американинг энг баланд нуқтаси бўлган ушбу чўққини ҳеч ким забт этмаган. Ўша йили АҚШ президентининг укаси Роберт Кеннеди биринчи бўлиб бу тоққа кўтарилишни амалга оширди. 4238 метр баландликдаги чўққида у ўлдирилган акаси Жон Кеннедининг инаугурацияда қилган нутқи матни, унинг медальони ва галстук қисқичларини тиқиштириб қўйди.
Энг узун йўл
Бир қанча мамлакатларнинг миллий йўл тармоқларини боғловчи дунёдаги энг узун панамерикан автомагистрали икки Америка қитъаси бўйлаб чўзилган, бу йўл тахминан 30 минг километрни ташкил этади.
Тўғриси, бу тизимда Панама каналининг жанубидаги ўрмон бўлаги - 87 километрлик Дариен кичик бўшлиғи мавжуд бўлиб, у улкан маршрутни тарқатиб юборади.
Экологлар ва маҳаллий ҳиндуларнинг норозиликлари, шунингдек, Колумбия ҳукуматининг гиёҳванд моддалар савдоси учун қўшимча қулайликлар яратишни истамаслиги сабабли ушбу участка бўйлаб йўл қуриш ҳозирча имконсиз бўлиб қолмоқда.
Лихтенштейн ва Ўзбекистоннинг умумий ўхшашликлари
Европадаги Лихтенштейн ва Ўрта Осиёдаги Ўзбекистон каби турли мамлакатлар ўртасида қандай умумийлик бўлиши мумкин? Маълум бўлишича, икки давлатнинг ҳам ҳеч бир қўшниси тўғридан-тўғри океанга кириш имконига эга эмас экан.
Баҳора Муҳаммадиева тайёрлади.
