Самараликлар қулаётган метеоритни тасвирга олишди
Гувоҳларнинг айтишича, шанба куни кечқурун портлаш каби овозли қулаётган ёруғликни кўришган.
Самара шаҳри аҳолиси учиб тушаётган ёруғликни тасвирга олишган. Мутахассисларнинг айтишича, бу метеорит бўлган.
Бу ҳақда “В Контакте” ижтимоий тармоғида эълон қилинди, деб ёзмоқда АиФ. Видеоролик остига одамлар шанба куни кечқурун портлашга ўхшаш овоз билан ёруғлик учиб ўтганини ёзишган.
Шаҳарнинг турли бурчакларидан келган самараликлар бу ҳодисанинг шоҳиди бўлишди. Шунингдек, Самара вилоятининг бир неча аҳоли пунктлари ҳам гувоҳ бўлишганини тасдиқламоқда.
МЧС ҳудудий бошқармасининг хабар беришича, ҳеч қандай ҳалокатлар ёки бахтсиз ҳодисалар рўй бермаган.
