Савдо мажмуасидаги 18 та дўкон ёниб кетди

Сурхондарё вилояти Денов туманидаги савдо мажмуаларининг бирида 24 февраль куни соат 05:37 да ёнғин содир бўлди.

ФВВ матбуот хизмати хабарига кўра, савдо мажмуаси Баҳористон маҳалласи, Мустақиллик кўчасида жойлашган бўлиб, ёнғин 2 қаватли бинонинг 2-қаватида юз берган.

Оқибатда 18 та савдо объектлари умумий майдонининг 630 метр квадрат қисми ёнғиндан зарарланган.

Воқеа жойига Сурхондарё вилояти фавқулодда вазиятлар бошқармасининг 7 та ёнғин-қутқарув экипажи етиб борган. Қутқарувчилар олиб борган тезкор ҳаракатлар натижасида бинонинг 1 680  метр кавадрат қисми ёнғиндан сақлаб қолинган.

Тан жароҳати олганлар йўқ. Ёнғин сабаби ва моддий зарар аниқланмоқда.