Тошкент аэропортида ярим килога яқин тилла олиб келаётган йўловчи ушланди

Тошкент халқаро аэропортига хориждан учиб келган фуқаро Б.К. белгиланган тартибда божхона назоратидан ўтказилди.

Натижада, унинг юклари орасида божхона назоратига тақдим этилмаган ва жисмоний шахслар учун белгиланган божхона тўловларисиз олиб кириш меъёридан ортиқча бўлган, умумий қиймати 153 миллион сўмлик 460,52 грамм сариқ металлдан ясалган заргарлик буюмлари борлиги аниқланди.

Божхона қўмитаси матбуот хизматининг хабарига кўра, ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.