"Тошкент - Самарқанд" пуллик автомобил йўллари қурилиши режалаштирилмоқда
“Йўл соҳасини бошқариш тизимини янада такомиллаштиришга оид чора-тадбирлар тўғрисида” Президент қарори (ПҚ–4545-сон, 09.12.2019 й.) қабул қилинди.
Қарорда хусусан, давлат-хусусий шерикчилик шартларида қуйидаги пуллик автомобил йўллари ва тоннеллари лойиҳалари айтиб ўтилган:
- “Қамчиқ” довонида янги пуллик тоннел қуриш, Жаҳон банки билан ҳамкорликда;
- “Тахтақорача” довонида янги пуллик тоннел қуриш, ЕТТБ билан ҳамкорликда;
- “Сирдарё – Бахт” шаҳарларини айланиб ўтувчи пуллик автомобил йўли қурилиши;
- “Тошкент – Самарқанд” пуллик автомобил йўли қурилиши;
- “Тошкент – Андижон” пуллик автомобил йўли қурилиши;
Юқоридаги янги лойиҳалар 2020 йил давомида ўрганиб чиқилиб, уни ижро этувчи ташкилотлар тендер асосида танлаб олинади. Тендер ғолиби билан шартнома 2021 йилнинг май ойида имзоланиши режалаштирилган.