1-синфга онлайн қабул учун янги қулайлик эълон қилинди

Эндиликда доимий яшаш жойи туманларда бўлган фуқаролар, Тошкент шаҳри ва вилоят марказларида жойлашган ҳамда бўш ўринлари мавжуд бўлган умумий ўрта таълим мактабларининг 1-синфига онлайн қабул учун ариза топширишлари мумкин. 

Бунинг учун Мактабгача ва мактаб таълими вазирлигининг my.maktab.uz сайтида рўйхатдан ўтиш орқали онлайн қабул қилиш жараёнидан ўтишлари керак.

Ушбу йўриқномада my.maktab.uz сайтида рўйхатдан ўтиш босқичлари кетма-кетликда кўрсатиб ўтилган.