Рейтинг: Дунёдаги 10 та энг тезюрар поезд
Тезюрар поездлар нафақат А нуқтадан Б нуқтага боришнинг оддий усули бўлибгина қолмасдан, инсон муҳандислиги кучининг жонли далилидир. Бугунги 2025 йилда бу замонавий машиналар нафақат саёҳат вақтини қисқартиради, балки рельслардаги тезлик тушунчасини бутунлай қайта белгилаб бермоқда.
TGV, Франция. Максимал тезлик: соатига 575 километр
Франциянинг TGV тармоғи “LGV” юқори тезликдаги поездлар учун мўлжалланган француз тезюрар темир йўл линияларидан фойдаланади. 2007 йилда ушбу платформада ғилдиракли поездлар тезлиги бўйича соатига 574,8 километрни ташкил этган жаҳон рекорди ўрнатилган.
JR SC Maglev L0 Series, Япония. Максимал тезлик: соатига 505 километр
Марказий Япония темир йўллари компанияси томонидан ишлаб чиқилган ва синовдан ўтказилаётган юқори тезликдаги магнит ёстиқли поезди ҳали тижорат хизматида бўлмаган бўлса-да, эксплуатацияга киритилгач ушбу серия соатига 505 километр тезликда ишлайди ва Токио ва Осака ўртасидаги саёҳат вақтини 150 дақиқадан 67 дақиқагача қисқартиради.
Shanghai Maglev, Хитой. Максимал тезлик: соатига 460 километр
Дунёдаги энг тез тижорий Шанхай Маглев поезди Пудун аэропорти ва Лонгянг станцияси ўртасида соатига 460 километр тезликда ҳаракатланади.
CR450 Fuxing, Хитой. Максимал тезлик: соатига 450 километр
CR450 Хитойда анъанавий тезюрар темир йўлни ривожлантиришдаги муҳим қадамдир. Соатига 450 километр тезликка мўлжалланган 2025 йил прототипи аллақачон динамик синовдан ўтган. Ишга тушириш эса 2026–2027 йилларга мўлжалланган.
CR400 Fuxing, Хитой. Максимал тезлик: соатига 350 километр
CR 400 Хитойдаги HSR бренд-тармоғининг асосий поезди бўлиб, ушбу карвон ўн минглаб километрларни боғлайди.
Talgo 350, Испания. Максимал тезлик: соатига 350 километр
Испаниянинг Барселона, Мадрид, Севиля ва Валенсия шаҳарларини боғловчи Talgo 350 тезюрар поезди 2005 йилдан бери хизмат қилади. Ушбу поездлар маҳаллий тезюрар линиялар учун оптималлаштирилган аэродинамикага эга.
Shinkansen E5/H5, Япония. Максимал тезлик: соатига 320 километр
Муҳандислик ва аниқ жадвалларни мураккаб бирлаштирган Shinkansen E5/H5 поездлари соатига 320 километр тезликни сақлаб туради.
ICE 3, Германия. Максимал тезлик: соатига 320 километр
Соатига 320 километр тезликка эришадиган янги ICE 3neo поездлари (408-синф) 2024-йилдан бошлаб замонавий интерьер ва қулайликлар, жумладан, велосипедлар сақлаш учун жойларни ҳам тақдим этади.
Eurostar Е320, Буюк Британия/Франция. Максимал тезлик: соатига 320 километр
Лондон, Париж ва Брюсселни боғлайдиган E320 поездлари Ла-Манш бўғози бўйлаб ҳаракатланади. Siemens Velaro технологияси асосида улар Франция ва Бельгия ҳудудларида тўлиқ тезликка эришишга қодир.
KTX Series, Жанубий Корея. Максимал тезлик: соатига 305 километр
КТХ “TGV” юқори тезликдаги технологиясига асосланган. Янги KTX-Sancheon версияси (2024) эса яхшиланган аэродинамика ва шовқинни камайтирган ҳолда тезликни оширишга эга. Тармоқ Сеулни Пусан, Мокпо ва Гангнеунг каби йирик шаҳарлар билан боғлаб, Корея ярим ороли бўйлаб саёҳат вақтини қисқартиради.
Баҳора Муҳаммадиева тайёрлади.
