14 нафар иқтидорли талабалар Европа Иттифоқи таълим стипендияларини қўлга киритди
14 нафар ўзбекистонлик иқтидорли талаба Erasmus Mundus қўшма магистрлик дастури (EMJMD) доирасида Европанинг нуфузли университетларида таҳсил олиш учун грантларни қўлга киритди.
Бу йилги танловда мамлакатимиз ёшлари орасида математика, халқаро ҳуқуқ, кимё, тиббиёт, сиёсат, атроф-муҳитни муҳофаза қилиш каби таълим йўналишларига қизиқиш катта бўлди.
Ўзбекистонлик стипендиатлар (5 нафари аёл ва 9 нафари эркак) Европа Иттифоқининг Эстония, Италия, Бельгия, Буюк Британия, Испания, Германия, Португалия, Чехия каби давлатларидаги энг яхши университетларда таълим олади.
Таҳсил жараёни жорий йил август-сентябрь ойларида бошланиши режалаштирилган.
