21 ёшли қиз ўғриликда айбланиб, қўлга олинди

2020 йил 12 февралдан 13 февралга ўтар кечаси соат 03:00 да 21 ёшли С.Х. (аёл) ўзганинг мол-мулкини яширин равишда талон-торож қилиш мақсадида Бухоро тумани Удўгри маҳалласида жойлашган 35 ёшли Г.К.нинг хонадонига ғайриқонуний равишда кириб, ётоқхонадан 1.900.000 сўм ва 2.600 АҚШ долларини яширин равишда ўғирлаб, ҳодиса жойидан яширинган.

Мазкур ҳолат юзасидан Бухоро тумани ИИБ ҳузуридаги тергов бўлими томонидан Ўзбекистон Республикаси Жиноят кодексининг 169-моддаси 2-қисми “б” банди (ўғрилик) билан жиноят иши қўзғатилиган.

Тергов ҳаракатлари жараёнида С.Х. ИИБ биносига олиб келинган ва унинг ёнидан ашёвий даллилар сифатида 900 АҚШ доллари ва 2.260.000 сўм пуллар расмийлаштирилиб олинган. С.Х. гумон қилинувчи тариқасида жалб қилинган.

Ҳозирда дастлабки тергов ҳаракатлари давом этмоқда, дея хабар берди Ўзбекистон Республикаси ИИВ ҳузуридаги Тергов департаменти.