26 декабрь куни юртимизда қуёш тутилиши кузатилади
2019 йил 26 декабрь куни Ҳалқасимон қуёш тутилиши юз беради. Ушбу астрономик ҳодисани Республикамизнинг барча ҳудудларида қисман қуёш тутилиши шаклида кузатиш мумкин.
"Тутилиш эрталаб соат 08:00 да бошланиб, 10:06 гача давом этади. Соат 9:00 атрофида тутилиш максимумга эга бўлади ва унда қуёш гардишининг учдан бир қисми тўсилади", дейилади Ўзбекистон Республикаси Фанлар академияси хабарида.
