7 ойда хориждан 33 миллион дона устара олиб келдик. Уни ўзимизда қачон ишлаб чиқарамиз?
Сўнгги йилларда бир марталик ёки кўп марта ишлатишга мўлжалланган устаралар (бритва) шу қадар оммалашдики, энди у бизни писка (лезвия) сотиб олиш, уни оддий устарага жойлаштириш, ҳар гал фойдаланиб бўлгач, алмаштириш каби соқол олишдаги ноқулайликлардан халос этди.
Ўзбекистонда эркаклар сонини чамалаб, бу товарга ички бозордаги эҳтиёжнинг нақадар катта эканлигини кўриш мумкин.
2019 йилнинг ўтган 7 ойида республикамизга 33 миллион донадан ортиқ устара импорт қилинган. Бунинг учун 2,2 миллион АҚШ доллари миқдоридаги хорижий валюта сарфланган.
Ўтган йил билан солиштирилса, бугун мамлакатга бу турдаги товарларни импорт қилиш деярли 1,5 баробарга ошган. 2018 йилнинг январь-июль ойларида 23 миллион донадан ортиқ устара импорт қилинган. Бунинг учун 1,8 миллион АҚШ доллари сарфланган.
Демак, бу турдаги маҳсулотни ўзимизда ишлаб чиқаришни йўлга қўйиш ҳар жиҳатдан истиқболли!
