Актриса Гавҳар Шарипова билан боғлиқ автоҳалокат тафсилотлари маълум қилинди
Қашқадарё вилояти ИИБ матбуот хизмати хабарига кўра, актриса юриб кетаётган автобусдан тушишга ҳаракат қилган ва кўнгилсиз ҳодиса сабаб воқеа жойида вафот этган.
Воқеа 18 дан 19 ноябрга ўтар кечаси соат 1:00 да содир бўлган. Ғузор туманининг Ёрғунчи қишлоғида ҳаракатланиб кетаётган автобусда йўловчи сифатида Сурхондарё вилоятидан Самарқанд вилоятига кетаётган актриса ҳайдовчига автобусни тўхтатишини, тушиб қолишини айтган. Бироқ ҳайдовчининг огоҳлантириши ва автобус тез ҳаракатланаётгани ҳақида огоҳлантиришига қарамасдан, автобус эшигини очувчи тугмани босиб, юриб кетаётган автобусдан тушишга уринган ҳамда бахтсиз ҳодиса сабаб воқеа жойида вафот этган.
Ҳозирда мазкур ҳолат юзасидан тергов-суриштирув жараёнлари бошланган.
