Амакисининг қотилига айланган жиян 12 йил муддатга қамалди
Воқеа Ургут туманида содир бўлган.
Суд ҳужжатларида аниқланишича, йигит ишлаб келиш учун хориж давлатига бормоқчи бўлган, бироқ фермерлик фаолияти бўйича қарздорлиги туфайли чегарадан қайтарилган. Ихтиёрида ер майдони бўлмагани учун суриштиргач, амакиси қарздорликни унинг номига расмийлаштирилгани маълум бўлган.
Оқибатда амаки ва жиян ўртасида жанжал чиққан. Йигит амакисига ошхона пичоғи билан зарба берган ва оқибатда унинг ҳалок бўлишига сабабчи бўлган.
Жиноят ишлари бўйича Ургут туман суди қотиллик ишига нуқта қўйди. Жиян суд ҳукми билан 12 йилга озодликдан маҳрум қилинган.
